الاحصاء... هل من يساعد؟

 

السلام عليكم
اذا كان بالأمكان انو حدا يساعدنا بمادة الاحصاء
لانو نحنا (طلاب السنة الاولى) 99% مننا لا يفقهون شيئاً فيها.
لانو بصراحة مادة علمية وفوق هيك هالمادة لا بتحل ولا بتربط يعني ليش حاطينها عن جد ماني عرفان.
ولهلق ما بنعرف شلون نموذج الاسئلة وشو اكتر شي مهم وشو اللي مو مهم وشو اللي محذوف
وفي شي اسئلة ثابتة بيجي منها دائماً!
يا ريت حدا يساعدنا ويدلنا
لانو بصراحة شلون بدنا نرفع هالمادة ؟؟؟؟؟؟؟؟
زميلكم. نجم الدين نجم

الموضوع الأصلي: الاحصاء... هل من يساعد؟ || الكاتب: نجم الدين نجم || المصدر: طلاب التعليم المفتوح

 

زميل نجم ... المادة سهلة جداً ..

أولا : هناك اسئلة نظرية للمادة في المنتدى استعن بها فقط بالنسبة للنظري.
ثانياً : الاسئلة العملي المحاضرات موجودة ايضا وهيمن وضع الزميلة أم اللول
ثالثا : دائما هناك سؤال عليه 15 درجة وهو من حول مقاييس النزعة المركزية.
رابعاً : هناك سؤال دوما حول الاحتمالات ..
---------

صارت واضحة على ما يبدو لا تخشى منها

 

السلام عليكم مادة الاحصاء تأتي مقسمة على نوعين : القسم العملي ويكون عليه بين ال70و75 درجة اما القسم النظري فيكون بين ال25و30 درجة . اماالحذف فهو: معامل الاقتران
التوزيع الطبيعي
اختبار الفرضيات
الوحدة 14 أتمتة المكتبات
الوسط الهندسي
المطلوب من النظري هو
الوحدات الثلاث 11و12و13

 

أخي الكريم نجم المادة سهلة كتير وأهم الشي انك ما تحط ببالك انها صعبه لأنه رح تعكس هالشي على نفسيتك وتسببلك بالفشل والرسوب بالمادة المادة حاطينا تغيير شكل عن المواد الحفظية ونحنا بغض النظر ليش حاطينا لازم ندرسها لأنه مافي باليد حيلة أنا اول ما نزلت المادة حسيت متلك ما عم بفهم اي شي وكرهت عمري منها بس بعدا قلت لايمتا هالشي وقعدت حطيت عقلي براسي وقلت لازم ادرسها شوي شوي لقيت حالي عم بستوعب كم شغلة وخصوصي لما أكتب المحاضرات هون على كل حال اسفة لاني طوّلت عليك بس اذا لزمك اي مساعده او استفسار عن اي شي نحنا جاهزين كلنا هون حتى لو سؤال بايخ احيانا الانسان من كتر الضغط بحس حاله ضاع حتى الامور البسيطة بتصعب عليه لهيك أي شي ما بتفهمه ضيفه هون ورح نحاول نبسط لك ياه 100 السلامة نحنا هون كلنا اخوة ورح نساعد بعض بإذن الله دمت بحفظ الله ورعايته سلامااااااااااااااااااااااتي

 

والله معك حق بكل شي بس شو بدك تسوي الك الله وادروس وتوكل على والعوض بسلامتك اذا رسبيت يعني ضروري تطلع الكل سلام
مع تحيات :confused::confused::confused::confused:

 

يا زملاء ((نجم + قلب الشجاع)) والزملاء جميعا
انتم ادرسو المادة منيح
وأي سؤال ضعه عليه أشارة
وان شالله انا بساعدكم فيها وبشرحلكم
وانا رح شوف وقت بكون عندكم هالمادة
وان شالله قبل بيوم
بضل بلجامعة شي 3-4 ساعات
طبعا بعد الساعة 12 ظهرا امام مكتبة امامة
أو أسألوا عني بنفس المكتبة إن لم أكن هناك

وان شالله خير وان شالله ماحدا برسب بلمادة

روابط مفيدة

فهرس الاحصاء

أسئلة النظري

ملفات أخرى

ولأي أستفسار جزئي عن المادة وخاصة القسم العملي
ضع سؤالك على المنتدى
وان شالله رح ساعدكم

 

ي ي ي ي ي
ليه ماقلتلي دكتور....كنت بدي أسألك عن الاحتمالات شيبوني يخرب بيتهم
يلا مومشكلة فصل الجاي بسألك عنهم
سلاماااااااااااااااااااااااااااتي